藝人周秀娜（Chrissie）、琦琦、馬詩慧（Janet）與Rosemary等，昨日到上環出席護膚品牌活動，前日剛度過34歲生日的娜姐表示在工作中開心度過，正跟黃宗澤（Bosco）拍攝新劇《戰毒》，笑言當天全日都安排與Bosco談情，由朝拍到晚，當是自己生日禮物，生日有工開，對手又好好，放break時Bosco有請食飯。
讚Bosco識下廚加分
問到Bosco是否她喜歡的類型？娜姐說：「知佢識下廚，我對會下廚嘅男仔都會加分。」她表示想拍拖，希望搵另一半是終生伴侶，但不心急，而生日願望是考慮雪卵，因為很喜歡與小朋友玩，不過在香港生小朋友有很多擔憂。
名模琦琦及馬詩慧齊出席，問到母親節如何度過，琦琦表示因女兒Ella放假，兩人在英國度過：「佢訂咗間餐廳慶祝，仲有煙火蠟燭蛋糕，以前佢會寫張卡畀我，今年就寫咗本書畀我，20幾頁紙讚美媽媽，我收到好感動。」問到老公任達華有沒有呷醋？她表示老公完全不介意。
至於Janet的母親節如何度過？她說：「我講出嚟都慚愧，算啦，過咗去，等下年再講。」問到早前為細女王麗嘉操刀拍攝的裸照，惹來不少網民猥瑣留言，Janet說：「張相有咩問題？我覺得好靚，無問題，呢個世界太多猥瑣男人，明明係一張藝術靚相，講到好肉酸。」而琦琦力撐：「如果心裏係陽光，你睇嘢都係陽光，如果你心底黑暗，你睇嘢都係黑暗。」
Rosemary談湊仔經
另外，穿上bra top性感現身的Rosemary大談湊仔經，提到剛度過首個為人母的母親節，她笑言非常開心，去了泰國同一班朋友慶祝，BB好乖，好好湊，好感恩。她又指老公恨再生B，兒子很活躍，剛滿8個月，已識得扶住行，亦已開始學講嘢：「佢懂得以廣東話說爸爸。」提到好姊妹樂基兒剛生B，Rosemary指對方坐月期間謝絕探訪。 |
搜尋新聞
