【本報記者報道】談到「蟲草大王」陳恩德中止跟無綫合作並抽起千萬元廣告,樂易玲稱,非常珍惜每個廣告客戶,視客戶為上賓,但強調陳恩德邀請李佳芯出席他旗下公司的活動,並非公司以內的工作,「呢個係一個external engagement,藝人係有權想做定唔想做,站喺經理人立場,一定要照顧藝人先。」她笑問:「佢(陳恩德)是否追緊女仔呀?」
問及李佳芯(Ali)當日有否透露為何沒有出席?樂小姐說:「Ali有講見到這類新聞都好困擾,希望有一日不用再見到。(因為這樣而缺席?)如果接咗一樣嘢不做,就叫缺席,無接嗰樣嘢,就不是叫缺席,我打個比喻。(Ali有沒有接?)我冇見到有contract呢啲,我冇見到啦!」
引述李佳芯對與緋聞感困擾
問及TVB損失過千萬收入,樂小姐說,覺得公司好好,首要保護自己的藝人,並以藝人福祉為宗旨,老闆沒有給她壓力,她亦不會給同事壓力。她續說:「首先幾多錢廣告要問廣告部,我就完全唔知佢落幾多錢廣告嘅,如果問我佢有冇用我哋artist(藝員)?佢間中有用嘅,當日見到戴祖儀、蔡潔、Do姐(鄭裕玲)都喺度,所以唔知有乜事發生。」
樂易玲否認與王祖藍鬧不和
另外,近日盛傳王祖藍跟樂易玲及曾勵珍鬧不和,樂易玲昨天出席《飛虎3壯志英雄》活動時說:「幾十歲還嗌什麼交啫?哪有交嗌?都無咁嘅事,祖藍回應晒喇!因為佢(祖藍)話這個不是事實,都唔駛講啦!(報道對你不公平?)做咗這行幾多年呀?經常都見到這些,都唔新鮮,係咪?有乜所謂啫?」
「我反而有睇佢(祖藍)詩篇嗰個post同like咗,佢寫得好好,大家喺呢行成日面對呢啲流言,雖然我哋話唔理,諗吓都有影響心情,好彩大家忙到不得了,根本連靜落嚟時間都冇,我噚晚做到4點,今(昨)早就開會。(跟王祖藍通電話?)冇唔開心,今(昨)日先開完會,點會唔開心?日日對咁耐仲通電話,開會有視像。」
問及是否因視后獎項出現分歧?樂小姐說:「我們咁多年有投票機制,呢啲大家唔好喺度講,如果再講機制,就明年講,我哋每一年都有講機制,每年有呢啲新聞係好,即係個個注意呢個獎項,都OK嘅,我哋做娛樂圈,冇新聞點會有娛樂呢?」 |
您可能有興趣:
|