【本報記者報道】林奕匡（Phil）的太太李靄璣（Rikko）於上周五（8月23日）誕下兒子，取名「Darrien」，母子平安，恭喜恭喜！新手爸媽在社交網分享喜悅，Rikko則留言：「好煎熬及驚險的24小時，但好慶幸一切都雨過天晴」。
Darrien出世時重2.84kg，在入產房前Rikko一直打算順產，詎料在醫院經過十多小時後開始發燒。Rikko說：「我開始發燒，BB嘅心跳都去得好快，冇辦法之下要緊急轉做開刀手術，當時雖然好攰，但我好驚瞓著，瞓咗就見唔到BB，甚至瞓咗以後都唔醒。」Phil當時亦同樣感到驚惶失措，他說：「我差唔多全程都陪住Rikko，希望俾多啲support(支持)佢，同埋分散佢嘅痛楚感覺，但睇住Rikko體溫不斷上升，BB心跳又不斷上升，都愈嚟愈擔心。」
妻臨盆前發燒 胎兒心跳轉快
當確定要做手術後幾分鐘，Rikko先入手術室，Phil在外面辦理手續後，隨即進入手術室，Phil回憶說：「當時我望住醫生俾我嗰一張開刀手術嘅風險資料，我突然好驚，人生從來冇試過咁驚，好驚Rikko同BB會有事，但係我知道我入到去，我一定唔可以俾Rikko feel(感覺)到我驚，我要distract佢（分散其注意力），於是我整定個playlist（歌曲清單），全部都係我最柔和嘅歌曲俾佢聽。」
隨後，當護士告知Phil及Rikko BB出來了，二人依然緊張，直到聽到BB的哭聲，他們終於鬆一口氣，一直在旁的Phil隨即也幫忙為BB剪臍帶。當看到Darrien後，Phil也流露一臉慈父的笑容，說：「佢同我一樣咁多頭髮，眼仔碌碌就似媽媽。」
囝囝2.84kg 多頭髮 眼仔碌碌
Darrien還未有中文名，但Darrien這個英文名字就是由Phil想出來，有「Gift（恩賜）」、「Rich（豐盛）」及「Kindly（仁慈）」的意思，Phil道：「Darrien呢個名係對囝囝嘅祝福同期望。其實都考慮咗好耐，想改一個『D』字頭嘅名，因為Rikko 嘅『R』 同 Phil 嘅『 P』都有個『D』字喺裡面。之前上網search，參考過過千個名都唔合心水，最後係自己諗出嚟，又幾好聽，上網check完，原來個名嘅意思又咁好，就確定用呢個啦！」
BB出世了，Phil與Rikko當然也忙於湊仔了！不過他們早就有心理準備，Phil更道：「因為係有計劃嘅懷孕，所以心態上，我哋都好ready、好期待。我哋亦一早安排好BB 用品、衣服、傢俬等等，亦學習咗點樣餵母乳同照顧BB，而家反而需要學習嘅就係BB將來嘅教育基金、健康保險同埋醫療保障等等。現今世代要好好養育一個小朋友真係唔容易，所以都要深思熟慮好好地安排！」 |
您可能有興趣:
|
搜尋新聞
