藝人陳家樂昨日與龔慈恩18歲女兒林愷鈴(Ashley)到金鐘出席服裝品牌活動,家樂表示首次見Ashley,有聽過她是「最強星二代」。二人受訪時,家樂全程化身「怕醜仔」,又不時望着Ashley冧笑,更大讚Ashley好好、好叻、好聰明、記性好好、笑容又好甜美。一句說話已經有多個「好」字,看來家樂對Ashley的好感度甚高。
問到家樂Ashley是否合他條件?他說:「我係照顧小朋友,係叔叔,唔好嚇親人。遲啲我會同佢媽咪(龔慈恩)一齊拍戲,之前都有拍過。」而Ashley則說:「媽咪都話佢戲好,又靚仔!」二人更互笠高帽。
自認叔叔
問到Ashley會否去探媽咪班?家樂即搶答「都好呀!」她表示都可以,但要遷就返學時間。32歲的家樂與Ashley年齡相差14載,有指年齡不是問題時,他說:「忙拍戲都忘記咗呢啲嘢(拍拖),但係都想合作拍戲,可以演兄妹或父女。」當被催促搵女友時,他怕醜地邀請Ashley去露營,二人更互望冧笑!