阿SA在演唱會向阿嬌互訴心聲，感動全場。

阿SA在演唱會向阿嬌互訴心聲，感動全場。

【本報記者報道】Twins前晚寒風中舉行第三場演唱會，阿Sa阿嬌在唱《相愛22年》前，互訴心聲，感動全場。

阿SA向阿嬌說：「親愛嘅鍾欣潼女士，哈哈.....多謝你22年來成為我拍檔！我人生最大成就，就係同你成為組合！呢個江山係我哋打番嚟！而無論開心或低潮你都對我不離不棄，陪住我，出面好多人覺得我好醒，其實唔係㗎，我內裡唔係一個非常自信嘅人，好多時你同我一齊，我多左好多力量，多謝你呀鍾欣嬌。」

阿嬌則回話：「認識你22年，我真係冇諗過我地可以走咁遠，開始個陣，出面好多質疑嘅聲音，話我哋好快就冇㗎啦咁，但係我哋係逆景更齊心，更同心對抗出面，多謝你冇放棄我，我亦冇放棄自己。」現場歌迷即時感動，大叫：「你哋要加油！」而阿SA亦被感動回話，「你係我認識人裡面，個樣最柔弱，內心最堅強嘅人，好多謝你冇放棄自己。」繼而兩人相擁抱。不少歌迷聽完他們對話，都眼濕濕被感動淚下。

在其他環節，TWINS兩個都為現場帶來不少歡樂笑料，阿SA提醒大家，入場記得悉心打扮，扮演TWINS以前的造形，每晚她們也會在台上送上演唱會限量簽名版Sweatshirt給最佳造形，昨晚他們就選了一個四歲小朋友贏得獎品。

寒風無減熱情 歌迷又唱又跳

在安歌時唱《丟架》時，SA突然大叫停，正當大家不知發生什麼事時，原來是她一開口唱便咬到自己條脷，要重新唱過，阿嬌狂笑問她「冇嘢嘛？」而SA除了自己狂笑，不停反問：「喂呀，點解次次咁嘢都發生我身上架，冇理由，我食得咁清，唔會熱氣。我地抹走佢重頭來過！」阿嬌就笑住話，「係抹唔走，哈哈。」 兩人表現非常搞笑可愛，為全場帶來歡樂無窮。

前日天氣雖然寒冷，只有幾度，但無減觀眾熱情， 一開騷觀眾就幾乎全都企起身又唱又跳。阿SA台上叫觀眾大家注意保暖。順利完滿成功完成三晚演出，昨天TWINS終於可以休息一日，25號才再展開接下來的11場演出。在完場後，TWINS兩人異口同聲說，「YEAH！終於三場完成，可以放假。」