【本报记者报道】歌手张敬轩（轩仔）前日（26日）获邀出席由 IAB Hong Kong 主办全港最大型的人工智能（AI）的营销会议「 IABHK C23」（C23），活动探讨AI对数码营销领域的变革性影响。去年获跨社交平台总结成为最Top KOL（最强意见领袖）的轩仔，于会谈中分享AI对娱乐行业、音乐、艺术等创意工业的影响。
轩仔坦言这十年中最大的恆常收入并非来自音乐，而是透过social media（社交媒体）层面。而过去一年于YouTube见到很多「AI尹光」、「AI张敬轩」等不同的AI艺人，都是一些好尝试，但同时自己亦存在矛盾，甚至偏向有点担忧。「作为网民、消费者、用家嘅角度，AI嘅存在一定令到我哋嘅生活各方面嘅层面好方便；另一方面作为从业者、版权持有人，我哋见到嘅係一啲令我哋不安嘅未来。譬如当呢啲AI生成嘅sound bite（讲话片段）喺internet viral（网络散播）嘅时候，copyright（版权）问题点去解决呢？唔同范畴嘅版权，呢啲可能会显伸一啲再大啲嘅议题。」
对于踏入AI时代，轩仔自言仍处于观察者角度，抱着学习心态。虽然担忧，但他不得不承认AI对于修復旧母带有一定程度的贡献。
AI修復黄家驹歌声无得弹
轩仔说：「譬如我接手Avon呢间录音室时，有471饼母带由于年代久远而没办法修復。其中一饼係Beyond喺麦花臣球场一个从来未公开过嘅录音。磁带有啲溶化，就算通过焗炉，夹硬拉番开两个磁带，佢个磁粉都係食咗喺上一层，但有咗AI之后，由于佢有数据推算嘅模式，可以推算番家驹把声，做到一个数码修补。呢个修补方法令到我哋可以听到一啲我哋从来未听到过嘅录音，或者一啲已经受损咗嘅录音，对于我哋备份嚟讲绝对有好处。不过始终文物嘅本身、嗰个录音带本身所存在嘅歷史价值，亦都係佢稀有嘅原因。所以呢个係两个层面嘅考量，但我觉得喺修復过程入面绝对有可能做得到。」
随后，轩仔与主办准备了一小段由「AI张敬轩」演绎的《Amazing Grace》于座谈会上播放，轩仔表示自己听完后都十分惊讶。播放完后，台下观众报以掌声，轩仔笑说代「AI张敬轩」多谢大家的掌声。他谓虽然AI张敬轩声线酷似自己，但他的震音并非如此，更即席献唱《Amazing Grace》的第一句，台下观众顿时起哄唿欢及拍掌。
轩仔表示：「所以喺音乐范畴，如果纯粹以网友角度，大家如果好钟意听到尹光唱林家谦、林家谦唱尹光、张敬轩唱边个边个，係满足网友一种情感投射，仅此而已。」
自爆跟Tyson Yoshi叫AI作词
他又自爆跟歌手Tyson Yoshi尝试叫ChatGPT（AI程式）填词，但效果并不理想，会出现逻辑上问题，但他认为将来可能解决到，但暂时以创作人角度，业内未有太担心。「广东话係九音，係一个相当之复杂嘅语言体系，第二样係广东话中文入面都有一啲词汇运用，首先如果真係有AI去做呢啲嘢，佢要识得分析，啊，呢只歌想口语化啲，譬如有首歌《你唔爱我啦》，呢啲口语啲嘅，或者係《你不爱我了》，首先AI个data base（数据库）要识得分辨呢啲先。」
最后问到对AI的发展潜力，轩仔认为人类所发明所有的科技，应该是要延续人类的文明，而并非摧毁。「所以我哋喺运用AI或科技嘅时候，我觉得我哋尽量保持番自己作为一个人类正常阅读时间，每日一杯咖啡睇一本书，或者一本书里面嘅一段，增长自己知识，培养自己要跳出框框，之后先会有更好嘅AI，咁我哋嘅文明先至唔会被我哋自己所发明嘅嘢摧毁，呢个係我自己嘅谂法。」
|
搜寻新闻
