2024年 03月 29日
星期五
   | 氣 溫 : 23 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

鑽飾明駝落班起筷
發佈日期 : 2019-09-15


[B女/桐言桐語]前排睇咗一套戲,戲名叫《作家的謊言:筆忠誘罪》,故事內容就係講男主角繼承父親幾個物業,生活無憂,亦同佢太太生咗一個小朋友,有一個幸福嘅家庭,有一日,男主角其中一個單位放租,來了一個新租客(即女配角),呢位女配角對男主角百般勾引,男主角最後出軌,從此以後就更加不想面對自己的太太,但女配角喺某一日突然在出租單位跳樓死咗,原來,是他太太一早策劃,由安排她睇樓到如何勾引自己丈夫,至於女配角點死?結局就係男主角製造假證據,令到警察相信女主角係凶手。其實,兩個人能夠一齊係一種緣份,過程中必有甜酸苦辣,我就鍾意甜啦,因為甜會令人快樂,行緊蜜運就仲好,甜到盤滿缽滿喎,諗吓都開心。


第七場四班1400米,我就鍾意匹「鑽飾明駝」,佢喺上季尾轉咗倉去蘇偉賢馬房之後,目標明顯就係想落班,今次終於喺四班出賽,睇返佢晨操動態積極,同上季尾明顯吾同,埋門一課大閘,佢沿途領放,一有對手拍上嚟,只要鞍上人俾指示,佢就會加速將對手拋離,盡顯鬥心,今場只要跑返上季輸俾「邊個邊個」而壓倒「標準猴王」嘅水準,相信都幾難有對手同佢爭勝,配腳方面,我覺得「其利斷金」幾好,佢係從化試嗰一課閘幾吸引我,嗰一課大閘嘅對手,全部評分都係高佢20分以上,但佢沿途緊貼馬群,最後直路鞍上人一鬆佢,佢即刻有反應追上嚟,反映出呢匹馬喺踏入4歲同上咗從化訓練之後,明顯成熟同進步咗,佢應該會係前駒主要對手。


另外,第三場五班1600米,我就覺得匹「蜜運」有啲冷門機會,佢上季尾出賽已經逐漸有走勢,上星期佢喺泥地1200米嗰場嘅表現令我眼前一亮,沿途好似跟唔上馬群,一直要騎,但當入到直路越追越好,可能1200米對佢嚟講太短,今次增程跑1600米,相信更合佢腳法,而且騎練上季合作爆大冷贏過「旅遊首席」,今次「蜜運」如果係冷門,不妨拖佢一票。

您可能有興趣:


首頁