「鄉村瑰寶」連續兩場勝出谷草1200米。

「鄉村瑰寶」連續兩場勝出谷草1200米。

【賠率有路捉／周仲】雷神周日就會殺到，冠軍騎師潘頓亦不敢怠慢，剛周六中三元，目前以27W在騎師榜領先，等到莫雷拉正式回歸，要追到潘頓都真係唔容易，而後者如果想衛冕成功，現時可以做的事，當然係繼續數胡，務求彈甩對手更遠距離。
今晚賽事，潘頓共有七匹坐騎，昨午所見，其中三駒的獨贏被捧成大熱門（見表），一早落定墊底飛，出擊心意已經表露無遺。其中最值得留意係「天外天」，此駒上仗初次出賽，已經被潘頓卜定上陣，雖然抽到不利的十檔，早段被迫留到包尾，但直路上竟然可以逢馬過馬追獲第五名，末段造22秒20全場最快時間，反映此駒必非此班可留，熱身後今仗原庄配搭再戰，排內檔形勢一流，昨午曾經只得2.9倍，可以話胸有成竹，有力補中。
此外，「鄉村瑰寶」近兩仗均以大熱門身份勝出，昨午此駒被捧成1.6倍大熱門，位置更熱到只得1.0倍，信心十足，潘頓今仗如果有任何閃失，下仗被未來蔡廐主帥莫雷拉搶走帥權的機會極高，所以鬥志必定百分百，值得熱捧。