田泰安（右）坐騎「喜蓮騏星」來自東廐。

【神祺小子／祺神】今次沙田上演十場草地賽事，採用A+3賽道，是利追或是利放，都係臨場執生比較好。特別要留意布文來港客串，手執幾隻實力馬，應該會有馬贏。
第三場二班1800米，「喜蓮騏星」於上年12月28試短途泥閘過終點餘勢強勁，於是筆者上場已經落注，可惜遇超慢步速，直路飛出外叠，但能和同樣後勁十足的「百步穿雲」一齊衝，反映能力狀態已到，今仗增程至1800米更合發揮，唔塞的話相信可以坐亞望冠。「好好瑪」三班曾兩戰1800米皆勝，今場升上二班充斥一批比較弱的對手，此馬仍在進步當中，有力爭入三甲。「四通八達」上場加程跑1600米即開勝門，今次升班增程初跑1800米，長力未有太大證明下，只宜作配腳。「勁揪」暫時只於2000米途程有證明，長途馬款1800米亦非完全不能應付，來港時頗有寄望的馬匹，且看上場跑近後能否納入正軌。
第四場四班1200米，「愛添勝」上仗跑1000米直路賽在慢步速下遇明星馬「舞士精神」後追第二，今仗增程二百米強配布文，幕後似想交代，唯一一隻有可能殺佢的不明物體係「錶之霸」，以佢上季在上手馬房跑田草1200米的賽績絕對夠用，可惜健康曾出現問題，所以今場補一注單Q位置Q。