[曉以大義/Richard Yuen]國際賽後已經算係踏入季中階段，翻閱賽期表國際一級賽要等到明年一月十九日舉行，近來場場亂局形勢未止，周三夜晚谷草亦然，多場賽事欠缺壓一強手，就連騎足九場的莫雷拉及田泰安，坐騎上亦頗多邊線份子，反而今次賽事看好牌面較佳的騎師巴度封王。
練馬師今季成績一般的徐雨石，剛周日沙田賽事中，馬房交出1冠1亞2殿，季內至今暫時只贏得八場頭馬。過往他的成績於聖誕節前夕經已畢業，因今季馬房內各馬匹狀態比前幾季來得較遲，惟經過足夠熱身後，評分下調至有利水平下，已屆有反彈之時，相信廐下戰駒會陸陸續續有好表現。其中於第三場四班1650米「雷公鑿」7歲馬仍有一定拼勝能力，雖然實力今非昔比，但上仗在最佳路程跑第三，今戰難得找到莫雷拉主轡並非擔票騎師，呢舖計馬於此組十分著數，有力打翻身仗。

筆者今次提供尾場二班1200米：「馬友冠」南非自購馬來港前因屬一級賽冠軍身份，所以抵港後被評90分起步，經過上季六戰減分，未有表現交出，今季進入5歲黃金期，目前處於82分前一仗憑新鮮感跑谷草1200米輸馬頸位，如今更配合馬房今晚四駒出擊，蘇兆輝亦識貨賽前試一試閘摸索，成熟程度再進一步；戰意百分百。「日日精彩」羅廐灰馬短途精英，今季轉4歲，按道理上應該會有更進一步的表現，上季六戰取得三捷馬於田草及泥地也俱交出頭馬，足證馬兒的潛力不俗，經過暑後這匹渾身肌肉的粗身大馬，季內初出大熱倒灶表現未及預期，拼後小休養回體力，今次練者轉揀谷草誓師，看來有關方面已有決心，相信亦是有坐二望一的本錢。