孔德賢、鄭裕玲、鄭衍峰出席直播探班。

馮盈盈學做生意，增值自己。

陳敏之不介意生日開工。

適逢陳敏之43歲的正日生日，製作組細心送上蛋糕，

孔德賢、鄭裕玲、鄭衍峰出席直播探班。

馮盈盈學做生意，增值自己。

【本報記者報道】無綫真人競技綜藝騷《識貨2》昨天在將軍澳電視城舉行直播探班，鄭裕玲、阮兆祥、陳敏之、孔德賢、鄭衍峰、黃美棋等出席宣傳活動。其中，適逢藝人陳敏之43歲的正日生日，製作組細心送上蛋糕，有份參與節目的藝人也齊齊唱生日歌，場面熱鬧。敏之亦不介意生日要開工，笑說是好兆頭，期望天天有工開。

敏之續說，最近一星期也有很多慶祝活動，不不停去媽咪、奶奶屋企食飯，林盛斌又送了個海鮮盤菜畀我打邊爐，慶祝咗好多次。至於阿仔畫了幅好靚的畫送給我，老公最近則鑽研香薰，他送了個好靚的香薰擺設給我，估計他有興趣經營這門生意，還拉我一齊去讀有關課程。

同場的馮盈盈早前踩入NFT（非同質化代幣）市場，她說，生意不錯，「我都還有些存貨，主要是藝術品及水晶手鏈，貨品有平有貴，平到幾千蚊都有。」她不諱言努力學習做生意，增值下自己，之前去學中醫食療法，對自己做直播都有用。」

對於何時再入劇組？盈盈說，要等公司安排。敏之聞言即打蛇隨棍上：「咁有冇拍拖？」盈盈說笑說要等多陣。記者提議她搵林盛斌介紹筍盤，盈盈說：「有搵，佢話送個新年禮盒畀我囉！」

提到臨近歲晚，港府因應疫情嚴重，多項大型賀年活動都被迫取消。盈盈說：「其實喺疫情之下，公開嘅活動係少咗，咁但係就冇辦法嘅，始終身體健康最緊要。（呢段時間搵少咗幾多錢？）咁又冇，因為我又唔係好清楚喎，而我哋啲工作安排全部都係交晒俾我哋經理人去處理，而我好少做商演主持，所以對我嚟講就無乜特別影響。」

此外，邵初曾在節目中爆喊的她，自覺有進步空間。她說：「原來唔可以咁樣揀貨，自參選港姐後，《識貨2》係我第一個參與嘅綜藝節目，雖然係新人，但都希望盡力做好，見到大家都好專業，擔心自己做得唔好要重拍，唔想帶麻煩畀大家。」她表示今次給自己80分，會汲取經驗改進。