【本報記者報道】由「旅遊達人」梁芷珮（Christy）主持的《潮什麼》系列，今晚（5日）播出最後3集。本周Christy將獻出多個第一次，分別是親親樹熊、坐熱氣球及滑浪。

談到首次熱氣球體驗，Christy大嘆為時60分鐘的旅程很舒服：「慢慢睇住日出，好和暖、好舒服，好難得同個太陽咁近距離。」雖然體驗熱氣球費用逾2,000港元，但由於熱氣球的降傘太大，顧客坐畢必須幫忙收拾。有份參與收拾工作的 Christy透露收拾過程並不簡單，但卻不及要避開牛屎高難度，梁芷珮說：「因為要走幾轉去擺好佢，但我覺得重唔係一個問題，最慘係要睇住啲牛屎，真係好多牛屎。」

Christy的處女滑浪體驗同樣蝦碌，花了大半天時間依然連最基本的「企起身」動作也做不好。Christy還有不少高空體驗，包括爬橋及在位於黃金海岸的SkyPoint 歎下午茶。爬橋當日，全副武裝的Christy與其他參加者先後爬橋登上超過20層樓高空，Christy登頂時透露雖然自己登高經驗豐富，但還是被處身的高度所震懾。 「我住60幾樓，平時透過玻璃望落街，都有少少離心力，但嚟到呢個位成件事通透咗，我諗畏高嘅人真係會驚。」

出名識歎的Christy將繼續盡情吃喝，除了會晨早「未食早餐先飲啤酒」，更會體驗「殘廢野餐」，只要一個電話便可享用全套野餐用具及美食，相當寫意。