【本報記者報道】演舞台劇出身的藝人泰臣（翟凱泰）效力無綫10年，昨日（8日）他在社交平台宣佈離巢TVB。

泰臣表示：「踏入6月我再次起步啦，用3分鐘嚟回顧晒自己TVB 10年嘅點滴談可容易呢？無可能夠啦。呢幾日掃手機，一路摷返每一個製作嘅相，一路load（憶起）返同每個相中人一齊經歷過嘅回憶；熱到傻嘅外景、凍到僵嘅廠、亢奮回魂嘅萬歲、廿人衝去轉妝嘅live騷、等到懷疑人生嘅大雨、要懷疑埋下一世嘅大over、集體眼瞓到唔知噏乜嘅台詞、好鬼認真嘅對戲、笑冧全組人嘅NG、飄飄然嘅大慶典、難得嘅碰杯……彷彿一轉眼嘅事。

泰臣續說10個年頭自問成熟了，也領略多了道理，認識他的觀眾層闊了等，他相信所得到的必定良多，並說：「點估到自細睇430新紮師兄季節大時代長大嘅（我指我老豆），會見到個仔上台慶呢？呢個舞台界過界去電視嘅新人，有俾阿姐（汪明荃）讚過算叫做威過下。

最後他有多謝前輩提點引路、梳化服攝部兄弟姊妹、戲裡戲外拍擋同行，以及監製導演編審首領們獎門人（曾志偉）的知遇之恩。