【本報記者報道】視帝馬國明（馬明）和湯洛雯（靚湯）將於下月正式拉埋天窗。早前馬明受訪時表示婚禮籌備工作已搞得七七八八，應該好快就是兩人大日子的來臨。
準備做新娘子的靚湯昨日（29日）就在社交網晒出傳統過大禮的「壯觀畫面」，「物資」相當豐富，單是龍鳳鈪都有至少6對，有一些龍鳳鈪比平常見到的粗3倍，難怪靚湯都形容是「流星錘咁嘅龍鳳鈪」。另外嫁女餅都有4大盤，相當豪氣。
靚湯說︰「又一項完成！原來過大禮係咁複雜，嗰日係有少少呆咗。不過好多謝馬生嘅疼愛，同各位兄弟姊妹嘅幫手，特別係Ella、湯樂瑤、林子善、黃嘉樂，任務順利完成。啲餅有成四大盤多到食唔晒派唔晒，而且啲盤聽講係傳承落嚟，好意頭好意頭。咁大個女第一次見到好似流星錘咁嘅龍鳳鈪，仲有好多隻豬豬，好靚好壯觀。今次過大禮可以咁順利，真係非常多謝尚囍非常細心同埋妥善嘅安排，負責人Marc亦都係一個開心果，仲特意安排咗一位非常有經驗嘅（大）妗姐幫忙，辛苦你哋啦！」
嫁女餅多到「派都派唔晒」
好友高海寧留言︰「嘩～張相裝唔落啦！果然係過大禮！」不少網民亦留言指馬國明「豪啊」、「嘩嘩嘩，好勁呀﹗馬明落重本，娶到靚老婆」。
曾希望度蜜月欣賞北極光
早前靚湯接受傳媒訪問時就透露過婚後會否直落度蜜月？她就表示：「其實我就好想，但就未有時間計劃，因為近來好多人瘋狂去旅行，變咗如果先去一個好特別嘅旅行，就要早半年時間準備。
她又冧爆指馬明好有心，記得她說過度蜜月想睇北極光，她說：「因為我覺得睇北極光，大家係有緣份先可以一齊睇到。變咗我要睇到，要去嘅話都要等到下年年尾，就令我暫時打消咗呢個念頭，唯有之後再諗。」
|
搜尋新聞
