【本报记者报道】演舞台剧出身的艺人泰臣（翟凯泰）效力无綫10年，昨日（8日）他在社交平台宣佈离巢TVB。

泰臣表示：「踏入6月我再次起步啦，用3分钟嚟回顾晒自己TVB 10年嘅点滴谈可容易呢？无可能够啦。呢几日扫手机，一路摷返每一个制作嘅相，一路load（忆起）返同每个相中人一齐经歷过嘅回忆；热到傻嘅外景、冻到僵嘅厂、亢奋回魂嘅万岁、廿人冲去转妆嘅live骚、等到怀疑人生嘅大雨、要怀疑埋下一世嘅大over、集体眼瞓到唔知噏乜嘅台词、好鬼认真嘅对戏、笑冧全组人嘅NG、飘飘然嘅大庆典、难得嘅碰杯……彷彿一转眼嘅事。

泰臣续说10个年头自问成熟了，也领略多了道理，认识他的观众层阔了等，他相信所得到的必定良多，并说：「点估到自细睇430新扎师兄季节大时代长大嘅（我指我老豆），会见到个仔上台庆呢？呢个舞台界过界去电视嘅新人，有俾阿姐（汪明荃）赞过算叫做威过下。

最后他有多谢前辈提点引路、梳化服摄部兄弟姊妹、戏里戏外拍挡同行，以及监制导演编审首领们奖门人（曾志伟）的知遇之恩。