蘇保羅旗下的「環翠戰士」近日晨課起眼，今戰或可一

[甘屋藏料/甘甘仔]筆者我其實早幾年都幾爛賭，香港賽馬、足球、對面海賽狗、賽馬，遠至澳洲英國沒有轉播的馬匹都會研究一番。今次想講的係賽狗，要令一群狗拼命咁落場跑，就需要一隻電兔，當權者將個光頭佬捧到天咁高，國慶又獲邀去北京，又大灣區甚麼甚麼，主要係要佢「榮華富貴不可一世」，而且就係要令佢擔起電兔角色，令一班毅進散仔有個夢，以為拼命死服從命令，或者做更加多出賣的事情，有朝一日就會成為另一隻電兔。但唔知佢哋有冇諗過，賽狗場都總會有消失的一日，電兔最終掉落嚟，去埋堆填區，而一班癲咗令主人受威脅的狗隻，最終只會被人道毀滅，係狗場內狗隻可以有很多，但電兔只需要一隻，及早抽身，做人做狗自己決定。

第四場「環翠戰士」今季一直收埋今次才初出，睇返晨課所見一直精神糾糾，近兩次試閘有點刻意隱藏實力一樣，落班上陣，信心之選。「歡樂小子」減夠分落班換人上陣可以講係文家良嘅慣性，慎防突襲。「有錢分」當起馬匹，四班留唔住，正常發揮足以左右大局。「爆騷」輕磅上陣，黎海榮贏馬後信心增強，冷腳拖一票。