[桐言桐語/B女]今日，我上網睇咗一則故事，故事內容十分簡單但又好有趣，所以，小妹喺度同大家分享，一齊開心，笑一笑。有一日，小明要求爸爸講故事，小明說：「爸爸，講歷史故事俾我聽呀！」爸爸：「好～～從前，有一隻青蛙…。」小明：「哎呀！我要聽歷史故事呀！」爸爸：「好～～喺宋朝，有一隻青蛙…。」

喺過去十一月十三日嘅賽事雖然取消咗，但我嘅心水馬依然冇變，先睇第四場四班1650米，我就鍾意匹「夢幻戰士」，上次都提及過呢匹馬今季跑過三次，亦都贏過一次，而且近排試嗰課閘都贏埋，都睇到佢後追得好靚，雖然上仗跑1800米跑得一般，今仗就縮程跑，另外，再睇返佢跑021嗰仗，佢後追悦目，亦都睇得到係有力，今仗賽事抽到靚檔，只要鞍上人再加多啲力，係有機會同呢匹馬再贏。

到第七場二班1000米，我就揀咗匹「鑽得勁」做心水，上仗就跑谷草C+3欄1200米贏咗，今仗都喺跑谷草C+3，雖然縮程，但都相信對佢冇乜難度，因為睇返佢上季贏馬紀錄都係呢個路程，另外，亦都睇得到呢馬係幾忠心，而騎師方面亦都繼續用沈拿策騎，再者，馬主亦指呢匹馬依然係狀態大勇，所以，都期待呢對組合贏完再贏，小妹都會投住多少表示多加支持。