【過關專員／Danny Yeung】第五場四班谷草1650米，「鑽飾神聖」今季的進步比預計理想，季初熱身後便可接連在四班谷草1650米取得表現，前仗彈甩贏馬或許有賴場地及形勢之助，但上仗全程居後至末段走出四叠轉彎，蝕位無數仍能緊隨頭馬「新界之星」半個身位過終點，則肯定是個能力進步的表現。如今抽得好騎師莫雅，加上有近績支持，預期「鑽飾神聖」在最後直路能交出凌厲追勁，馬膽
二之選。

「一舖成名」愈贏愈易，現時評分比前季贏田草時仍有少許水位，騎師賽向來排檔不太重要，反而鞍上人簡國能上屆初戰谷草已贏馬，點都要拖住；「夢幻戰士」難得配得贏馬拍檔田泰安，陣上只要不犯大錯，可借助場地形勢跑近；「活力飛彈」今季兩戰田草1400米路程均嫌短，今次轉場增程，獲麥道朗主轡兼排內檔，不排除可耳目一新。

「放眼量」落班後已見少許走勢，但今仗對手嫌強；「雷公鑿」今季跑四班賽亦輸得遠，用上潘頓幫唔到多少；「友誼之星」跑谷草向來盲門，唯一期待是戴圖理能夠跑高幾多；「偉大勝利」暫列為失敗自購馬；「永益善」跑同程準繩，四重彩拖一票；「其利斷金」仍未見起色，落五班交代更有利；「飛雲騅」忽然增程難睇好；「馬驕雄」繼續為ISG爭取表現。