【本报记者报道】容祖儿今年首支派台作品《九秒九》今日(29日)上架,歌曲由黄伟文(Wyman)与汤令山(Gareth. T)再度合作。去年,二人创作了《紧急联络人》,男方将前度名字填在「紧急联络人」一栏今年,故事由祖儿延续,由女方角度呈现出如何徬徨焦躁准备这趟特急行程,可谓是《紧急联络人》下集。祖儿透露概念全由Wyman促成,「因为佢係《紧急联络人》嘅填词人,当我俾咗Gareth呢个demo佢嘅时候,佢好快就话俾我听『不如我哋就写《紧急联络人》嘅下集。』由我作为第一身去讲番嗰件事、嗰个感受。」
祖儿坦言对于每个阶段的乐坛都有自己很欣赏的音乐人,上一个很喜欢的是方大同,近年是Gareth. T,「呢几年每一次听汤令山嘅新歌,我都可以无限循环咁样去听,无论佢嘅melody同埋演绎,对我嚟讲好有feel,所以今次做新碟第一个想合作嘅人就係Gareth,咁就搵佢啦。」
除了作曲,祖儿亦邀请Gareth. T于MV客串的士司机一角,「佢嘅MV都係佢嘅创作嚟嘅。所以我话:『我今个MV可唔可以邀请你参加呀?你啲MV成日都有你啲朋友,我可唔可以邀请你?』佢话:『ok㗎,我可以㗎。』然之后佢就喺入面饰演一个角色。」今次MV最特别之处是採用一镜到尾的拍摄手法,面对首次「一shot直落」的祖儿坦言充满挑战性,各种的走位细节等,在拍摄前已在祖儿脑海「走」过无限次。
另外,又请来着名舞台剧演员、风车草剧团创办人之一的邵美君导戏,祖儿谓:「有两个单位我好多谢嘅,第一次合作嘅导演Maggie同埋邵美君老师。好耐之前我已经同邵美君讲,『我好想跟你学演戏。』虽然最后没成事,但今次呢个MV Maggie帮我搵咗美君,我哋一拍即合!喺佢嘅指引底下拍咗呢个MV,个感觉好安全、好有信心,希望大家都会喜欢呢个MV啦。」 |
您可能有兴趣:
|