超人一舉手一投足，都有不少人睇實，最重要就是點睇樓市，第一就是應唔應該買樓，第二，不少中資公司以天價搶地。香港一向是一個自由地區，只要你有錢，就可以買地，無論是否天價入市都是沒有犯法的。超人就這樣說，他們都是「真金白銀，公平公正去投地，屬商業決定，認為香港人和自己都對此都無反感。
不過，他認為香港變遷變化好大，單講地產，地產業務大家買貴貨，現時麵粉貴過麵包，做法不切實際，但他指地產仍是集團的重要業務。
他更睇唔出樓價會跌，買家力量好大，又指樓價平又好、貴又好，普羅大眾都要買一個單位，現時買樓雖然昂貴，但過幾年後，經過通脹等因素，回頭看會覺得沒有買錯。不過，他直言，如果炒樓就唔好搞啦。
超人以地產起家，做了實業後便投放資金地產項目，第一個項目便是位於堅尼地城卑路乍街的聯邦新樓（當時命名），結果大賺一筆。由此可見香港人或者中國人對樓的睇法很重要，結果都要在地產起家，積累財富。
至於股市投資方面，李嘉誠認為「好難講」，但他指長和由1950年起至今，未試過有1年虧本，只要「攻中有守，守中有攻」，所有算式正確，對業務無咩太擔心。
從超人一言一語可見，舉凡投資買賣，都要量力而為，別入在某個行業或炒賣股票賺了錢，你未必一定賺得到，可能一個不小心，或者希望博一博，結果一鋪清袋。
記得前財爺梁錦松講過，錢並非天上跌下來，能夠袋入袋的錢才是你的錢。這些都是至理名言，投資者不得不緊記。
《編者按》本版只提供參考之用，並不構成要約、招攬或邀請、誘使、任何不論形式或訂立任何建議及推薦。金融市場風高浪急，投資涉及風險，讀者應自行承擔投資風險，如因相關建議而招致損失，概與本投資版編者和作者無關。
搜尋新聞
