【本報記者報道】無綫劇集《家族榮耀之繼承者》前晚（15日）播出的第三集劇情相當精彩，丘家大嫂朱麗琪（陳靜飾）及丘家二少奶戴綺婷（余安安飾）的惡鬥亦將會白熱化。陳靜超性感的Deep V晚裝打扮贏盡焦點，將其美好身段表露無遺。劇組透露該場還有一個亮點，是三位「丘太」配戴的翡翠頸鏈均是貨真價實，且相當名貴！

有份配戴翡翠頸鏈的陳靜事後受訪時坦言現場有專人跟場，而她不用埋位時亦盡量坐定定：「現場有專人幫我哋戴同除，唔使埋位時我哋會乖乖地坐定定，盡量唔好周圍走令到首飾有損毁。其實有專人跟場真係安心好多，因為我自己都唔係好識戴。」

讚許紹雄超好 是「美食大使」

談及與許紹雄合作，陳靜坦言十分開心，並笑指許紹雄是「美食大使」：「Benz哥唔單止有經驗，佢仲好幽默，份人好好笑、好Nice，有啲咩好嘢食都會同我哋分享，相對地同佢合作冇咁緊張。」怎樣投入角色呢？陳靜一本正經謂：「要相信角色，同埋好多謝Benz哥提點我好多嘢，同埋畀咗好多鼓勵我。」

另外，高浚(林峯飾)與皓兒（佘詩曼飾）當年之所以分手，原來因為天性愛玩的高浚夜蒲期間與惹火女子一撻即著兼演變至激吻兼車震，直擊事件經過的皓兒打電話試探高浚時，高浚更企圖撒謊矇混過去，結果罪加一等分手收場。

網民對「車震女主角」起底，發現她是馬來西亞藝人林雪卉（Sandra），曾在Miss Global 2021/2022選美活動中獲得第二名，一對無敵逆天長腿相當無敵，並同時兼顧模特兒工作，驟眼看更似是馮盈盈及周汶錡混合體。

「車震女」林雪卉腹肌勁搶

Sandra是動靜皆宜代表，經常會做gym加以鍛鍊，操出結實又線條分明的亮麗腹肌。除了身形線條一流，Sandra身手亦相當了得，踢腿出拳快如閃電外，瑜伽高難度動作亦全部輕鬆KO，絕對多才多藝。