【本報記者報道】在無綫處境劇《愛回家之開心速遞》飾演賈名媛的邱芷微(Chelffy)一向熱愛唱歌,日前她與《中年好聲音》唱將吳大強(Bill)在香港仔登台,兩人首度合作具壓台感,全場high爆。
邱芷微說,海報未出街,已經獲主辦單位VIP優先預訂時全場售罊,反應超熱烈:「我都係第一次做主唱, 本來都好擔心有冇人睇。但估唔到原來咁叫座,所以主辦方想我們再加場。」
吳大強爆老婆為賈名媛陪同場
問及兩人首度合作有何趣事?吳大強的太太盛讚芷微專業:「我太太好少跟我出席晚宴騷,但她一聽到有賈名媛就好開心,仲讚佢一啲都唔似新人,做騷好專業,唱得又好。」
在旁的邱芷微笑說,自己在比賽時未開竅:「以前我唱歌好拘謹,都係參加完《中年好聲音》之後,同班唱將們交流得多,加上接多咗騷,不斷鍛鍊,現在才變得更收放自如。」
吳大強笑稱,在比賽中習慣跟年輕人合作:「同她在encore(安歌)時即興合唱《鐵血丹心》,估唔到大家冇夾過都咁有默契,呢啲歌佢都識唱,所以希望大家都支持佢。」
邱芷微選拔小演員 參與戲劇表演
談到兩人近況,邱芷微透露,近日除了忙於商演及劇集拍攝之外,還要兼顧幕後工作:「最近正在籌備小朋友戲劇演出,所以都忙於選拔小演員,寫劇本及教做戲等。」吳大強則說,最近從加拿大度假返港後忙於商演:「公司都幫我接咗好多商演,所以返到嚟都要不停練歌籌備,例如5月尾去伊館為區瑞強擔任表演嘉賓,仲有六月尾《中一》嘅演唱會等。 |
您可能有興趣:
|