雨僑近日趁有幾日假期,與家人同遊日本沖繩。此行阿僑一家自駕遊四出觀光,去美國村又去恩納村,最搞笑的是當她處於恩納村國家自然公園內的自然景觀、以珊瑚礁懸崖而聞名的萬座毛時,遇上一輪大風吹,被強勁海風吹到變西門吹風,拍片都只係聽到風聲無人聲。
不過,是次雨僑出Trip其實相當寫意,都係觀光為主,更做了廿四孝囡囡陪父親買釣魚用品。由於之前屢傳雨僑和男友羅力威結婚,所以不少朋友及網友都問雨僑是否已在沖繩嫁埋?她聞言笑說:「未嫁……多謝大家關心,如果我結婚會話畀大家知,呢次純粹係同屋企人旅行,順便唞一下,完全無神秘嘢。」 |