林峯昨天為9月23日舉行世界巡迴演唱會廣州站出席廣州記者會，而主辦單位就向林峯送上68片歌詞竹簡及國畫祝他勢如破竹，歌迷亦送上一幅能量金字塔，祝他人氣創高峰！他透露，出道以來首次在內地開四面台演唱會，這次會將去年香港站的舞台效果完整帶到廣州站，如快速旋轉機關及爆水效果等，亦會有高空吊臂機關去拉近與山頂觀眾的距離，同時又要回復志地獄式減肥兼操肌。
一切以工作行先
對於早前傳出林峯與女友吳千語鬧分手，問到千語BB可會捧場？林峯自言，千語BB應該不會到廣州睇騷，因為香港站都睇咗啦。對於「分訊」，他聞言即笑指近七個月不在香港惹來大家關心，強調與千語BB沒鬧過分手而且感情穩定，拍完內地古裝劇後，更和千語BB去咗歐洲旅行一個星期，不過之前各有各忙真的聚少離多，問到感情可會轉淡？他則死撐道：「佢肥咗又唔知會點寫喇！」林峯沒有許下結婚時間表，自言一切以工作行先：「佢年紀都細，要好好做嘢！」
去Clubbing非常正常
至於千語BB是否戒了夜蒲？他就力撐女友，指夜晚去Clubbing非常正常，是正常社交：「唯一係我不在香港無帶我去囉，佢啲朋友我都識。」有指大使千語BB不獲林爸爸歡心？林峯仍力撐「7愛」千語BB說；「我爸爸自己都唔知，佢哋成日食飯，OK嘅。」問到千語BB是否經已進駐林峯8000萬愛巢？林峯沒有正面回應，只避談說：「男女朋友探下好正常，我哋各有各住，拍拖都有自己空間。（豪宅有無加千語BB嘅名？）私人嘢唔講。」 |
搜尋新聞
