【本報記者報道】無綫藝員林夏薇憑《七公主》登上視后寶座,被外界視為她的演出不如鍾嘉欣,未夠班獲得此奬。在一片負評輿論聲中,林夏薇日前接受無綫娛樂新聞台《Star Talk》專訪時回應這爭議時說:「這個獎對我是個好開始,是一種鼓勵和肯定,鞭策我未來做好每個角色來回饋觀眾。得獎那晚,我很感動。我收到很多電話及信息,有些信息很長,反而朋友們很擔心我,然後,我因為這樣才留意到原來有人這樣覺得,因為當刻有很多事要處理。」
林夏薇今年一月初憑《七公主》中的「顧語嫣」一角奪得《萬千星輝頒獎典禮2021》「最佳女主角」殊榮。近日忙於拍攝無綫新劇《法言人》的薇薇。
現趕拍新劇《法言人》
談到宣布獲得「視后」的一刻,薇薇坦言當時腦子一片空白:「真係好難形容,我呢世都會記得嗰刻嘅感覺。」入行轉眼已十多年的薇薇於北京中央戲劇學院表演系畢業,並一步步慢慢捱至今天的成績,薇薇笑言:「好記得當年由冇對白嘅臨演,臨時演員都係演員啦,行行企企拍吓手咁,再由冇對白到同主角有一、兩句對白咁,再由配角去到主角…所有呢啲畫面都歷歷在目,好似時間停頓咗咁。我當時上台攞獎其實好想表達畀媽咪聽,好彩我嗰時冇放棄。」
初心:就算唔係拍緊你都要專注
薇薇表示,當晚站在頒獎禮台上,腦子裏閃過了當年為內地劇《手機》「跑龍套」時、與當時已是內地一級演員的陳道明的互動畫面:「當時我係臨時演員,好榮幸可以同陳道明老師有對白,我係負責演參賽嘅選手。拍嗰時我喺台上,陳道明老師喺台下;當鏡頭調轉要拍番老師佢哋時,台上其他(臨時)演員走晒、得番我,咁我咪畀完A(反應)再畀B同C(反應)咯。跟住陳道明老師就讚我好專業,佢話:『你咁細個,都識得要留喺度畀對白。』佢嗰日加咗戲畀我,仲教我應該點樣做反應。嗰日我明白到更加要堅持演員呢個夢想,無論係幾細嘅角色,努力係會畀人睇到架,同埋就算唔係拍緊你,都一樣要專注。」談到演員初心,薇薇更邊說邊含淚哽咽,相當感性。 |
您可能有興趣:
|