2019年 12月 14日
星期六
   | 氣 溫 : 20 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

天生一對路首本
發佈日期 : 2019-11-17


[桐言桐語/B女]由於前幾日太攰嘅關係,所以就去咗按摩,順便通吓淋巴,點知當技師一幫我通嘅時候,我痛到想喊岀黎,因為太耐冇通以致有啲淋巴位塞住咗,技師就解釋痛則通,通則不痛,不過唔知係咪技師用嘅力度過大,當按完之後,我見到自己啲手手腳腳瘀咗,有時大力都唔一定舒服,都要睇返自己身體受唔受到,但係,按緊個陣我有講過細力啲㗎,可能我講得太溫柔,令到技師聽唔到,哈哈哈。


今日十場賽事,先睇第二場四班2000米,我就揀咗匹「可愛寶」做心水,呢匹馬今季跑咗四次,成績亦都跑得一次比一次接近,睇返佢上季嘅贏馬紀錄,兩次都係跑田草2000米,所以,今仗增程跑我對佢都有多少信心,另外,再睇佢上仗賽事岀閘慢咗,但末段都追得幾好,都睇得到狀態係到,希望今次強配潘頓,可以有啲火花,而且,喺體力同準備充足嘅情況下,相信今場會打開佢嘅勝利之門。


到第五場三班1400米,我就鍾意匹「天生一對」,先睇佢上季嘅紀錄,跑過六場,當中四場有獎金,其中兩場贏馬就係跑田草1400米,再睇佢今季都跑過兩次,做過熱身,上仗跑谷草1200米都唔算差拎第四,今仗增程跑返贏馬路程,期待鞍上人同呢匹馬發揮到水準岀黎。

您可能有興趣:


首頁