[桐言桐语/B女]由于前几日太攰嘅关係，所以就去咗按摩，顺便通吓淋巴，点知当技师一帮我通嘅时候，我痛到想喊岀黎，因为太耐没通以致有啲淋巴位塞住咗，技师就解释痛则通，通则不痛，不过唔知係咪技师用嘅力度过大，当按完之后，我见到自己啲手手脚脚瘀咗，有时大力都唔一定舒服，都要睇返自己身体受唔受到，但係，按紧个阵我有讲过细力啲㗎，可能我讲得太温柔，令到技师听唔到，哈哈哈。

今日十场赛事，先睇第二场四班2000米，我就拣咗匹「可爱宝」做心水，呢匹马今季跑咗四次，成绩亦都跑得一次比一次接近，睇返佢上季嘅赢马纪录，两次都係跑田草2000米，所以，今仗增程跑我对佢都有多少信心，另外，再睇佢上仗赛事岀闸慢咗，但末段都追得几好，都睇得到状态係到，希望今次强配潘顿，可以有啲火花，而且，喺体力同准备充足嘅情况下，相信今场会打开佢嘅胜利之门。

到第五场三班1400米，我就钟意匹「天生一对」，先睇佢上季嘅纪录，跑过六场，当中四场有奖金，其中两场赢马就係跑田草1400米，再睇佢今季都跑过两次，做过热身，上仗跑谷草1200米都唔算差拎第四，今仗增程跑返赢马路程，期待鞍上人同呢匹马发挥到水准岀黎。