2024年 03月 29日
星期五
   | 氣 溫 : 29 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

黎明自嘲《夏日傾情》震音難忍受 決定重錄
發佈日期 : 2022-01-07

Leon搞笑說難忍當年自己唱《夏日傾情》狂有震音
黎明當年的《夏日傾情》暢銷。
Leon搞笑說難忍當年自己唱《夏日傾情》狂有震音
黎明當年的《夏日傾情》暢銷。

【本報記者報道】「天王」黎明(Leon)出道至今,金曲無數,包括1993年推出的《夏日傾情》。Leon昨天在Facebook上載長文,指相隔這麼多年都沒有聽過自己唱《夏日傾情》,偶然聽見後,都無法忍受自己當年的震音,表示要重錄,並於昨天在音樂平台上架。

黎明推出全新EP《重新唱VOL.1》,收錄了3首歌曲《夏日傾情》、《越夜越有機》及《戀愛者聯盟》。

Leon寫道:「《夏日傾情》一曲是我初出道冇幾耐錄的一首歌,其實自己都很久沒有聽過,因為有機會開演唱會,在綵排時唱或在演唱會唱,因為自己都熟,所以冇需要攞返當年嘅CD版嚟聽,但喺舊年有一次坐人哋車,個人突然播出《夏日傾情》當年版,我一聽之下,即刻醒悟,什麼叫做:力拔山兮氣蓋世,唉,聽返當日自己唱的版本,真係震過貓王,不停震,句句尾個隻字都震,我意思係啲震音~~講真,一聽返連我自己都無法忍受,令我恍然大悟,鍾意聽呢首歌嘅朋友,我辛苦了你們的支持,真係要講句,對不起我愛你,為咗防止大家唔覺意再聽返當年的震音老土版,我覺得自己馬上需要重新錄製此曲,亦都經過重重困難去申請版權,最終如願重錄,做人畢竟要與時並進,當年情可以存在,但必須面對已經過時,所以重新唱過,但只錄一首,又好似好無謂,所以重新錄多首,《越夜越有機》,將編曲入邊嘅槍聲也拎走埋,等首歌可以帶點和平氣氛,講完啦,係咁先,下次再講啦。鍾意定唔鍾意,對得住自己咪鍾意,又冇對唔住人。」

之後,黎明再在留言區留言,他說:「我此刻的心情非常複雜,又覺得自己際遇好奇特,我係介紹我的重新唱《夏日傾情》&《越夜越有機》的新EP,但有人分享iTunes訊息俾我,話恭喜晒我,《夏日傾情》上咗no.1,但話我唱法同當年一樣,《越夜越有機》上到10位,我又點會唱到同當年一樣呢,一看之下原來no.1同第10位都係當年的版本,原來好多人撳錯咗啦,嗰個係我嘅陳年版,不是我的重新唱,請唔好畀錯鼓勵,唔好再撳當年嗰隻,要聽就聽:夏日傾情(重新唱)。」

您可能有興趣:

1
親攜《贖夢》衝出香港 張家輝:擔任導演壓力大 開心新作未上映已獲認可

2
陳法拉產後首現身明艷照人 首映禮後 急回紐約照顧BB

3
67歲張國強體力皮膚弗到漏油 公開四大逆齡秘訣

4
環球唱片大裁員 宣傳部全部即時離職

5
CHILL CLUB年度推介23/24 Gin Lee泳兒恨攞獎 盧瀚霆無信心「冧莊」

6
拍攝《警聲百二秒II》 張穎康遭真飛虎隊員制服

7
張敬軒飲醉怕出醜 指醉酒後會多嘢講

8
《中年好聲音2登峯之戰》 收視最高26.6點 吸173萬觀眾

9
忠實hellosss 羅淑佩親揭鍾情陳卓賢之謎 推介《地球上的最後一朵花》

10
泳兒街頭派利市宣傳新歌 笑網民現實全都是貪錢鬼

11
林秀怡演單親媽 演技大躍進 拍攝時停機仍喊 變生人勿近

12
秦煌稱不夠血 致腳無力跌倒 稱仔女有聯絡 未答有否探望

13
首爆賭王遺產分配 何超儀較:我會少一點

14
76歲秦煌跌倒送院 林偉呼籲其子女探望

15
唐詩詠首拍旅遊節目 發掘英國真實的一面


首頁