陳國峰在《隱形戰隊》中演反派入型入格。

【本報記者報道】現年40歲、《超級巨聲2》出身的無綫藝人陳國峰，入行後主力拍劇，可惜大多演閒角，近年除了憑《愛．回家之開心速遞》Dino一角逐漸入屋外，早前在《隱形戰隊》演反派也表現出色，獲觀眾讚賞。去年由經理人合約轉為部頭合約的他，近日宣佈下月約滿無綫且離巢，與效力13年的公司終止關係。

陳國峰不捨地表示：「13年始終有太多回憶，公司經歷咗太多喜怒哀樂啦，有開心、唔開心，又經歷過迷惘，但我都感謝公司畀咗好多機會我拍唔同嘅劇，做唔同嘅事，不過都想離開舒適圈，出去個世界闖下。」他透露自感已人到中年，40歲不再年輕，故希望作出新嘗試。

陳國峰又直言要養妻活兒，所以會尋求更多工作機會，問他未來有甚麼大計？他指自己除了會繼續幕前演出外，也會做更多商演，並且在社交平台多些曝光，至於健身教練仍會繼續做。而他亦即將與22歲職業籃球員兼教練陳耀燐打拳賽，現時正積極練拳，為拳賽做好準備：「嚟緊努力操拳，盡最大努力，付出最多汗水去完成訓練。我唔擔心上到台會發生咩事，好多嘢大家都未必估到，只可以盡全力去打呢場拳賽，畢竟係我人生中第一場比賽，對40歲嘅我嚟講亦都係好大嘅挑戰。」遲些他更會飛到泰國當地接受訓練，考取泰拳教練資格。更揚言不排除接拍ViuTV劇集。