【本報記者報道】無綫視后林夏薇（薇薇）昨日（24日）以代言人身份出席中環旗艦店開幕活動，擔任剪綵嘉賓，薇薇以一襲性感真空deep V裝束上陣，盡顯女神本色。

近日薇薇人氣爆燈，除了所主演的劇集《法言人》獲得好評、角色大受歡迎外，亦帶挈她頻頻出活動「搵真銀」，對此薇薇笑不攏嘴表示：「真係好開心，劇集同角色都受觀眾歡迎，套劇之前播緊嘅時候，身邊好多朋友都話有日日返屋企追我套劇，令我好感動，好多謝大家支持，亦係呢份支持，令我工作上更有動力。」

公開保持美態秘訣

現時薇薇正為新劇《逆天奇案2》如火如荼進行拍攝，一向專業的她，為了跟角色融為一體，自爆有一個小秘訣：「呢段時間，為咗令自己更加代入角色，我每日都特登著住戲服返工放工。」經常日以繼夜趕戲，容易休息不足，問她如何在開劇時保持美態？薇薇指：「除咗每日食營養產品外，我每日都會飲一大樽水果水，仲會堅持做簡單運動，而喺皮膚保濕及清潔方面都唔可以馬虎，因為拍劇期間化上妝嘅時間比較長，所以要好好卸妝及護膚。」