2024年 03月 29日
星期五
   | 氣 溫 : 23 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

食排水丸暴減15磅 張建聲遭陳嘉莉堅打
發佈日期 : 2019-06-19

陳嘉莉在片中飾演女警。
張建聲未食排水丸好肥仔。
張建聲食完排水丸後暴減15磅,勁頹廢。
陳嘉莉在片中飾演女警。
張建聲未食排水丸好肥仔。

藝人張建聲(Justin)在首次出任聯合監製、將於明天上映的電影《作家的謊言:筆忠誘罪》中,全情瞓身演出,除了增肥20磅扮作家「徐哲」,拍落水戲又撞崩牙外,其實他尚有幾幕戲搵身體較飛,其中一場戲講述他被警方拉去問話,為了在外形上更頹廢,他連食四日排水丸,令體重輕了15磅。


頭撼地四腳朝天


樣殘兼減磅仲未夠,該場戲講述Justin被警員審查,飾演女警的Justin女友陳嘉莉(Kelly),因發現這位作家偶像出軌,問話期間嬲到震,先擸了一本書兜頭啪Justin,更愈講愈激動,大力推他心口,令坐在櫈上的Justin失重心成個撻低,頭撼地兼四腳朝天,Kelly可謂堅打男友唔留力!而一拍完該鏡頭,Kelly和同場的趙永洪立即扶起他休息。
事後Kelly亦覺得肉赤:「嗰日提前到現場同導演度點做,但Justin食緊排水丸比較虛弱,排位時同佢溝通,佢叫我用力去盡,頭撞落地時都覺得唔好意思,即刻扶佢,都關心佢嘅。」Justin則說:「我哋有溝通過,叫佢畀真力,嗰日大概拍咗五個take,初頭兩吓落地都震一震個頭,但ok嘅。」

首頁