2019年 11月 21日
星期四
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

再享耆成 新季再追
發佈日期 : 2019-10-20


[今期鎏料/奧斯卡]上個賽日重心馬「好利錢」於形勢大好下搏輸,係就係可惜,但眼見馬匹仲有兩腳,傷患馬再出肯定會再搏,讀者們可以繼續跟進。


今期推介第十場容天鵬既「再享耆成」,五歲澳洲馬上季轉到容天鵬馬房即刻連場交到好成績,連場搏殺下沖到三班66分,眼見馬匹遇到樽頸位,偏偏又比佢跑到場表現好既賽事。


總場次797,出閘相當爽快,約一千米霸到條欄但因此拉快左頭三段步速,未段鞍人上跟住節奏打鞭,最後只係輸比頭馬短馬頭。值得留意既係,首先當日全日草地賽絕大部分不利內欄前置馬,而「再享耆成」係快步速同蝕場地形勢下只係輸少少,表現絕對係全場之中數一數二。其次,同場食盡場地優勢既馬,分別「將耀」、「蒙古傳奇」同埋「紀利雄星」今季再出都交到績,賽事水準絕對唔需要懷疑。


另外,賽前兩個試閘不論有冇戴眼罩都交出好走勢,加上賽前正常操練,証明馬匹已有作戰狀態,一出即搏。

首頁