組合Robynn & Kendy經過一年的休息和沉澱,今年重新出發。二人早前接受有線娛樂新聞《樂壇第一手》專訪,與主播鍾煒喬分享經歷低潮後的感受。
Robynn & Kendy的新歌講及浮浮沉沉的人生觀,提到上年的低潮期,Robynn指:「2015年去咗好多地方做巡迴,上年想請三個月假休息下,但因為各種原因,結果三個月變咗一年。」從網絡歌手走到唱片公司旗下的幕前組合,二人都大有感觸,Robynn坦言:「我以為我哋可以對娛樂圈置身事外,但慢慢覺得咁樣會畀人標籤成一樣嘢,其實成日被定型『小清新』都好攰,好開心呢首新歌解脫咗我哋。」
Kendy解釋新歌和音創新,二人於新歌MV中更會大膽挑戰性感尺度,對此Robynn興奮表示:「今次以黑色為主,有濕身,感覺好新鮮,自己好鍾意。」為營造特別拍攝效果,Kendy憶述:「導演想營造個背景好慢,所以我哋錄影時首歌要較快1.75倍,咪嘴形係有啲難度。」 |