【隨心而發/子軒】人要低調,做善事就要宣揚,目的並非要威,而是感染各界有能者,幫助社會有需要階層。好似保良局董事會近廿位核心成員,包括「南京之友」馬主唐英年母親唐尤淑圻、「美麗」系郭少明、「盛甲」系陳正欣及「享耆成」鄭錦鐘等,就組成了保良之友團體。
早幾季他們買了一匹「當仁不讓」未能適應水土退役,到了今季則由郭少明出馬引入「善傳千里」,雖然能否交出佳績遲些先知,但「美麗」系郭氏一向眼光獨到,再者「善傳千里」在新西蘭由他擁有,既確認有質素且打好底,睇埋上仗初出走勢不俗,今仗坐正唔出奇。
舊一代馬主每多長情,用人之道絕少隨便改變,「精選直前」李憲武正是最佳例子,除早期「天馬山」由容天鵬執韁打開勝門,及後「鳳凰山」由陳柏鴻贏馬,自此各匹「直前」系先由王登平再由何良主理,並一直支持華人騎師。此外,李憲武對愛駒耐性十足,如「輕越直前」自開齋後長達五年半始再贏,可見耐性有回報,今次「精選直前」列陣第二場用蘇狄雄執韁,機會未許輕視。
|