2017年 11月 20日
星期一
   | 氣 溫 : 20 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報電子雜誌

暑假過得特別快
發佈日期 : 2017-08-20


【風花雪月/子樂】就快有馬跑,兩個星期後又可以與馬會決一生死。今個暑假好似過得特別快,定係唞暑日子冇以前咁長呢,樂仔冇去比較,只係知道暑期無所事事,堅係有啲失落,如果係「雙迷」賭仔,冇得賭馬,可以走去賭波,但如果只係馬迷,暑期真係冇嘢玩,唔通攞本年鑑出嚟溫習咩。



依家馬季開得早、收得遲,9月初已經跑到火紅火綠,從前挨近10月先至有馬跑,差不多提早成個月;以前6月尾已經唞緊暑,超過兩個月冇馬跑,時至今日個半月頂到盡。


講開馬季開鑼,今季有兩位新面孔,土生土長嘅羅富全,我哋已經相當熟悉,作風沉實,睇嚟係一位少說話多做事之人,至於老外麥菲文 ,先後喺澳洲及新加坡練馬,能夠訓練出星洲馬王,點會冇料到。樂仔唔係一個盲撐嘅人,純粹以事論事,如果以兩倉現時兵力,今季羅富全嘅發展應該比麥菲文理想。



 

首頁