愈來愈多資深歌手重出江湖,近日推出HiFi碟《酒紅色的心》的露雲娜(Rowena)便是其中一位。
Rowena 日前於旺角唱片店為新出的HiFi碟舉行簽名會,獲老公Perry Martin現身撐場,而公司高層則送上名牌太陽眼鏡。老公是今次新碟的監製,未知選歌過程中可有拗撬?
Rowena指同老公與自己非常同步,兩人互相支持同鼓勵。Rowena在接受記者訪問時謂已很久沒有搞簽名會,希望日後抽多些時間搞歌迷聚會,近距離和歌迷作接觸。
想試吓跳舞
被問到可有計劃開演唱會。她又表示正在物色場地,最快也要到2018年年底才能成事。「明年底才開演唱會,可以有更多時間減肥、Keep Fit,老公又可有多啲時間編曲。今次演唱會好想試吓跳舞,之前上《流行經典50年》跳舞無請排舞導師,只係自己喺電話學,都有啲天分,自己都好鍾意。」Rowena笑着表示。 |