王喜、莊思敏(Jacquelin)和陳綺明昨日到尖沙咀出席頒獎活動,剛由芬蘭旅遊返港的王喜表示,到當地睇極光及超級月亮,又指當地天氣又凍又乾燥令到嘴唇生瘡。談到亞視「復活」,王喜透露早前已拍了宣傳片恭喜亞視開台。談到好友陳志雲將會主持節目《百萬富翁》,他坦言很早就知道,還陪志雲挑選西裝煲呔,他對旅遊節目較有興趣,想在春天到芬蘭森林睇熊。
呼籲正途收看電視
而Jacquelin被問到有份演出的無綫劇集《溏心風暴3》收視欠佳?她說:「我覺得OK,好多朋友都有睇,佢哋上網偷步睇,因為內地播得比較快。」她坦言有睇網上的留言:「好多人覺得成日鬧交好嘈,但呢個係《溏心》風格,有啲人唔係有追開第一、二輯,未必知風格係點,拍到尾段張力會愈來愈好,有信心收視愈來愈好。」她又呼籲大家從正途去睇電視。
陳綺明上節目緊張
前亞洲小姐陳綺明對於亞視「復活」感到很開心,日前接到舊同事邀請明年一月初上《百萬富翁》慈善版,至於是否由盛傳的志雲做主持,她則未清楚:「因為要答好刁鑽問題,又要聯絡身邊朋友做智囊團,包括律師、大學副教授同精於運動的朋友。」她坦言因而心情十分緊張。 |