2024年 03月 29日
星期五
   | 氣 溫 : 25 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

[㗎仔遊食]京都嵯峨野湯豆腐
發佈日期 : 2018-05-24

本欄作者Kei San
種得密密的竹林,可惜不可以行入內
豆腐上放上碧綠楓葉,感覺到季節變化
胡麻豆腐其實係芝麻及葛粉做
唔係咩矜貴食材但每件都好好味
本欄作者Kei San
種得密密的竹林,可惜不可以行入內

已經隔咗20年無去京都,當時去過邊都已經無印象,只記得去過好多間寺院參觀,而太秦映畫村係好多日本人必去,因為日本人細細個就會睇時代劇,好多都喺呢個片場拍呀,所以人人都想去睇下。


今時今日嘅京都,係日本國內Top 3 旅遊熱點,一直被冠之「日本古都」之名,吸引好多遊客,去到邊都人山人海,錦市場迫得誇張過香港,我行到一半都放棄!(笑)


問京都出身朋友推介,話嵯峨野有好 Relax 嘅大自然,應該少人D,於是從京都站坐六個站至嵯峨野嵐山站,只係20分鐘就到達近郊,可以睇到綠油油樹木,河川,仲有個出名嘅「竹林」。當外面三十多度熱得頭暈眼花時,走入竹林小巷,睇到高高至半空嘅竹木,真係好涼快,吸多D清新空氣對城市人特別好。


京都一向都係賞紅葉名勝,呢個季節睇到青綠嘅楓葉,又係呢一番意景。不知不覺行咗兩個鐘, 再坐低食湯豆腐午餐,好簡單唔做作嘅午餐,先食手做冷奴(凍豆腐),再放入昆布清水鍋內煮熱,配葱、薑蓉醬油等食,清新嘅豆香。再來前菜三味,炸山芋、麵醬青瓜、麵筋,即使天婦羅都沒用魚及肉,係日本精進料理。京都水靚、寺院多,精進料理歷史悠久,豆腐及漬物都係名物,一餐清清地,但又食得好飽足豐富,真滿足!即使只得一日遊,透透氣都係好嘅!


竹
地址:京都市右京區嵯峨野天龍寺北造路町48-7



[Kei San 小檔案]
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。



圖說
1)種得密密嘅竹林,可惜唔可以行入內,只有小路上行,否則想瞓喺地欣賞啊!


2)豆腐上放上碧綠楓葉,令你感覺季節變化。


3)胡麻豆腐其實唔係大豆做,係芝麻及葛粉做,煙靱幼滑。


4)唔係咩矜貴食材,但係每件都好好味,更係有心。


 

首頁