2024年 03月 29日
星期五
   | 氣 溫 : 30 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

不會讓兒子曝光 梁洛施避談新戀情
發佈日期 : 2018-07-20

蔣怡產後極速回復美好身材。
梁洛施昨日出席護膚品牌發布會。
蔣怡產後極速回復美好身材。
梁洛施昨日出席護膚品牌發布會。


藝人梁洛施(Isabella)宣布全面復出後,昨日到中環出席護膚品牌發布會,一身白色套裝的她笑言自己都是一個獨立女性,所以需要工作,至於問到新戀情,她即避忌說:「唔答。」她又指三個囝囝不會黐身:「佢哋都大喇,八九歲,有自己嘅朋友。之前佢哋都有帶朋友返屋企睇戲,我就播《盜墓迷城3》俾佢哋睇,同學見到我都話:『呢個係你媽咪喎!』囝囝都覺得好驕傲。」她又表示現正洽談幾部新片,好快就會公布。


無底線好玩就得


Isabella復出的第一個project拍戲,第二個就是綜藝節目,問到會否拍親子騷?她說:「唔會,唔想牽涉小朋友,小朋友唔會曝光,只係自己鍾意玩,想參加綜藝節目。(有無底線?)總之好玩就得!」再追問是否與李澤楷達成共識不讓小朋友出鏡?她說:「私人嘢唔答。」月底是一對孖仔八歲生日,問到一家人如何慶祝?Isabella反問:「乜你哋無睇我個ig咩?我喺ig同fans分享。」


另外,同場的蔣怡(CoCo)產後首次現身,指囝囝已改名叫翁羽,她說:「有兩對翼,想佢飛得高啲!唔只係咁,佢英文名叫Skye,都係天空嘅意思,通常仔飛遠啲都唔驚,女就想留喺身邊。」


蔣怡囝囝叫翁羽


而身形已回復當初的CoCo竟自爆未正式減肥:「啱啱坐完月,仲補緊身,食好多嘢。」她又指因為不再生,所以最重要是補好身體。


首頁