2018年 11月 17日
星期六
   | 氣 溫 : 23 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

喝采翻版勝利寶石
發佈日期 : 2018-09-12

「喝采」上季養在告達理馬房亦曾取得一勝。

【風花雪月/子樂】第四場第四班1200米,「喝采」嘅廐侶「勝利寶石」贏得今季第一場頭馬,大家都係來自告達理馬房,後駒上季搏極都唔贏,仲要一把年紀,前駒6歲咋,上季贏過一場噃,如果咁計,今次呢匹馬出爭贏馬路程,唔買勢係假。
「超能量」係正路配腳,啱啱跑得幾好。「正本雄心」有田草級數,點都要畀幾分薄面。「帝勝之星」縮番落短途,可能好跑過1400米。「赤水神駒」勝在可以放頭走。
第五場第四班1650米,「夢想飛翔」上季得一場入到前三名,點睇都唔係叻囉,偏偏尋日賠率由頭熱到尾,尤其係位置飛,唔通有啲人睇得隻馬好勁?一於試試佢。
「川河領駒」四班一哩係有分量,拖埋冇錯。「麥芽糖」已跑一場,即刻返谷草,仲要用番徒弟,話唔埋以真面目示人。「紫電明珠」地慢正中下懷,呢啲老馬季初出手最佳時機。「自由飛翔」四班跑中距離勉強夠啦,如果唔係檔位好,可能會刪走。

首頁