2024年 04月 17日
星期三
   | 氣 溫 : 27 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

孖兄弟兵分幾路謝票 伊健除衫大晒麒麟臂
發佈日期 : 2018-09-25

鄭伊健、錢嘉樂及林曉峰與觀眾大合照。
鄭伊健除衫晒麒麟臂, 令全場哄動。
鄭伊健、錢嘉樂及林曉峰與觀眾大合照。
鄭伊健除衫晒麒麟臂, 令全場哄動。


電影《黃金兄弟》票房破億,前晚適逢中秋節前夕,男主角鄭伊健、林曉峰、導演錢嘉樂和監製曾志偉,兵分幾路四出到戲院謝票,令觀眾十分驚喜。


其中一站謝票時,伊健和林曉峰將原本準備的海報派晒,但有位男觀眾說話令他們好感動,男歡眾說:「我係嚟睇你哋五個,你哋當然有號召力,但套戲唔係我想像中咁樣,係比我想像中更好。以港產片嘅動作片嚟講係好高水準,呢個係錢嘉樂功勞。」亦有觀眾表示全家拉隊捧場,令他們好開心,二話不說就將身上「黃金兄弟」風褸脫下送給觀眾,伊健白色背心大晒結實胸膛和麒麟臂,全場尖叫心心眼。


伊健變得更大隻原來是多得拍《黃金兄弟》時受傷所賜:「拍戲就係咁,愈難嘅動作就無事,我嗰次受傷做嘅動作其實好簡單,但竟然斷咗一條韌帶咁傷,我覺得自己唔夠弗,我要練得更強壯!」


林曉峰獲贈蛋糕慶生


連場謝票,觀眾都大讚飛車和槍戰戲刺激,尤其72歲的倉田保昭與華人拳王周比利對打戲好精采。對於不少觀眾問有沒有續集,監製曾志偉表示會考慮,伊健說:「有觀眾話依家呢個結局如有續集太勉強,前傳或外傳更適合。」導演錢嘉樂亦贊成。


而曾志偉和錢嘉樂特別答謝中秋節一家人拉隊捧場的觀眾,每個家庭逐一合照。此外,9月28日是林曉峰生日,有fans帶埋蛋糕陪他跑戲院謝票,又唱生日歌和送禮物,非常窩心。<文>陸曼美


首頁