歌手張敬軒最近為英皇財務擔任代言人，廣告以「大想頭」為主題。軒仔被睇中因為公司覺得他想頭特別大，天馬行空得來又瓣瓣掂，所以由他出任廣告男主角，還拍攝一條搞鬼網上短片，寓意有咩想法都好，都要有條大水喉射住先可以成功。

與音樂系學生合作

軒仔笑言好開心老闆及Daisy（楊受成次女玳詩）講到個「大」字就諗起自己：「全公司都知道自己乜嘢都比人大，今次為咗公司第一次吊威吔拍攝，一吊吊咗10小時，『小軒』都受難，pat pat都瘀埋。」吊住威吔連行路都困難的軒仔還與工作人員講笑話：「吊到四五米高時突然聽到斷裂嘅聲音，可能係我肚腩爆咗。」令工作人員捧腹大笑。

廣告還安排了音樂系學生與軒仔一齊拍攝，親民的他跟學生打成一片，更即席指揮樂隊奏出《快樂頌》，氣氛輕鬆。提到下一個想頭，軒仔說：「我都有好多計劃，不過實行一個想法真係好需要有資金支持，今次有呢個計劃主打，無論幾天馬行空都可以幫到手。」