2024年 03月 29日
星期五
   | 氣 溫 : 26 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

創意寶坐位望贏
發佈日期 : 2019-02-19


【掌握大局/蔣偉權】雖然莫雷拉今季遲至12月9日才開始出任蔡廐主帥,但現時只落後榜首潘頓28W,仲有半個馬季可以追,甚麼事情都有可能發生,不過筆者發現,近期雷神頻頻被罰停賽,反而潘頓就甚少犯規,莫雷拉今期開始停賽,只能夠睇住潘頓出賽爭取頭馬,到底雷神呢次停賽期會落後多幾多場並非最重要,反而係下半季會否再被罰多三兩次,所以,雷神最大的敵人並非潘頓,而係佢自己,只要能夠避免無謂的停賽,其實雷神的整體表現,係比潘頓更為穩定的。
講番明晚谷草賽事,第一場五班1200米,「創意寶」今季由丁冠豪接手訓練之後,五戰獲1冠2季,贏馬一役在谷草同程,今仗同場對手不強,全場剛於上仗入圍之馬只得三駒,而此駒正好係其中一匹,換上何澤堯有權坐位望贏。
第二場五班1800米,「為善聚樂」連續兩仗在莫雷拉胯下取勝,而且愈贏愈易,上仗勝後雖然被加6分,但今仗易配手風大順的黃俊減輕7磅,實際比上仗更輕3磅,抽到一檔犯錯機會不大,只要中段無馬匹變奏,沿途慳位慳力,入直路發揮一貫後勁,有力再下一城。

首頁