歌手張敬軒前晚出席「香港亞洲流行音樂節2019」,同場還有來自內地、香港、台灣、日本、韓國、泰國、新加坡、馬來西亞及越南,共九個亞洲地區的參賽者、重量級歌手及星級評判傾力演出。除了軒仔外、內地代表有丁世光、日本代表GACKT及韓國代表NCT127等表演。 <文>陸曼美
張敬軒打頭陣唱出幾首耳熟能詳的歌曲,他表示:「對手強勁,做代表所以唱幾首大家熟啲嘅歌。多啲呢類活動幾好,可以同其他地方嘅歌手交流,尤其係日本同韓國,我首新歌《YOU》都係由韓國音樂人介紹班底畀我識。(覺得大家差距?)對潮流觸覺,以前我哋帶領80年代嘅潮流,但依家就要奮起直追。」而組合Nowhere Boys代表香港參加今次比賽,他們笑言:「我哋當今次係做騷,大家玩得好開心,出晒汗!」
鼓鼓鎩羽而歸不介懷
前晚參賽者競逐多個獎項,結果ORANGE(越南)奪「亞洲超級新星大獎」、Shiena Nishazawa(日本)奪「最佳歌曲演繹大奬」及Shiena Nishazawa(日本)「最佳舞台演繹大奬」,而「香港亞洲流行音樂節2019人氣大獎」亦由Shiena Nishazawa(日本)奪得。
而台灣「潮流全能創作歌手」鼓鼓前晚同場競逐獎項,雖然最後鎩羽而歸,會後主持人黃子佼也在後台與鼓鼓打氣稱讚他表演一流。而鼓鼓看到每位藝人精采演出,覺得收穫滿滿,直誇每個表演都很精采,一下說日文一下說英文,但因為語言一時轉換不過來,不小心直接對泰國樂團The Rube說成中文「好棒」,最後The Rube主唱與鼓鼓相談甚歡,兩人交換臉書相約聊音樂。
收千奇百怪露骨禮物
軒仔受訪表示在演唱會之前學跳舞,已經搵了美國老師,學形體訓練,希望在舞台上表演更好。他又笑說:「我仲想進修吓個腦,因為依家轉數要好快,啲fans成日喺網上挑戰我嘅底線,會駁嘴、又會鬧我,所以有時我會block佢哋一兩日,困佢哋入一入黑房,當係罰吓佢哋!」
軒仔又大爆有不少瘋狂粉絲:「我好少開inbox嚟睇,尋日開咗,簡直大開眼界,有個女仔send咗二百幾個message畀我,內容講到我哋好似一齊生活,佢應該幻想緊我唔知係佢第幾任嘅老公,我睇完呢啲信都覺得自己好似經歷緊夫妻生活,不過成為人哋嘅幻想對象,都好開心同榮幸。」問到有否收過露骨的禮物?他表示曾有粉絲送成人玩具給他:「仲要親自拎畀我助手,話佢下個禮拜唔喺度,到時候我就可以用!」其後他又自爆曾收過粉絲送的一盒頭髮,搞到他不敢再一個人拆禮物,軒仔呼籲大家不要送禮物,折現最實際,又或者將錢捐去慈善團體,送張收據給他。
|