【本報港聞部報道】八鄉少年警訊活動中心將於本周六（4月21日）舉行開放日，昨天上午10時在灣仔警署門外及元朗警署門外免費派發入場券，派完即止。在灣仔警署門外，有市民早於清晨已抵達門外排隊，不久已築起長長的人龍，由於反應熱烈，警方以派籌形式先行確認，既可提早數算人數，待上午10時正式派票時憑籌返回領取，亦避免市民排隊輪候良久後，才知自己無票。不少市民讚此方法，方便他們可以走開小休，但亦有很多遲來的市民因無法領票已不滿。
排隊取票者不乏是少年警訊會員，他們同樣是乖乖早早排隊取門票。有網民在fb留言：「嘩～實在又開心又興奮～我地今早0745已經嚟灣仔警署排隊，好在皇天不負有心人，我地終於每人攞到2張飛。我地覺得今次派飛安排實在太好啦～有秩序，有禮貌～好期待4月21號可以見到大家。」
雖然有市民領不到票，亦持體諒態度。網民Christine Frances說：「我同個仔8時45分去到元朗排隊，前面已經有幾百人排隊，但係就啱啱截咗龍，啲職員同我講已經有300人喺前面，我唔會攞到籌，過咗一陣，就開始派籌同埋逐個人登記，秩序都好好。真係數夠300個人先開始派籌喎，啲人都無得排完再排。無辦法啦，遲咗去，希望佢哋快啲再搞多次。」Wing Lam：「其實我8點20先到，都攞到籌，攞到飛。知道呢啲活動好受歡迎，都不敢怠慢。但我唔明點解知道10點派飛，有啲市民會覺得9點半到仲會覺得有飛取！」Akon Ng：「話10點派飛，講明得一間派600張，你真係諗住瞓到9點半先過黎？我地7點幾出門口過黎排，人地早派籌，10點番黎攞飛好合理，你想去，就要早排架啦！無飛就怪人」不少網民希望警方因應今次派票反應熱烈，希望多辦開放日，讓更加多人有機會參加。 |
搜尋新聞
