筆者看好A股市場的投資前景。

今個星期我地繼續採訪光大新鴻基的財富管理策略師溫傑（Kenny），今次佢會同我地分享A股的投資前景及市場上相關的新ETF產品。大家記得的話，其實Kenny之前曾經介紹過南方中證500 ETF（03005），成功幫各位讀者獲取利潤。根據Kenny所講，光大新鴻基的母公司光大證券係內地設有研究所，對A股的基本因素及量化分析均有深入研究，觀點絶對值得留意。

Kenny表示：「以中線計，我睇好A股。只是短期來看，政策邊際收緊，以及中美衝突升級，將會對市場短期走勢造成擾動，A股有可能需要多少少時間整固。」Kenny再三強調，

同指標都顯示內地企業盈利在逐步復甦，待盈利復甦得到市場普遍認同後，有望推動市場繼續上漲，所以就算市場短期較為波動，他們對整個下半年行情的發展仍然審慎樂觀。

再以流動性作分析，下半年內地需面對較大的就業市場壓力，加上新冠疫情容易反彈以及外圍經濟未明朗，相信人民銀行將會根據市場的實際需要而調整貨幣政策，各戰友暫時無需過度擔憂。進一步而講，如果市場因為對政策收緊或中美摩擦升級的擔憂而出現顯著調整，反而係進取投資者的入市機會。

策略上，短期波動，中線向好，投資者可以點做? Kenny話中長線睇好，操作上相對容易，耐心持有個股或看漲的ETF就可以。但如果計對中短線部署，就需要睇升睇跌A股都可獲利的產品。原來華夏及南方東英已分別推出左香港首批中國A股槓反產品，前者包括滬深300指數每日兩倍槓桿ETF（07272）及追蹤同一個指數的每日反向1

ETF（07373）。而南方東英的相關產品則為7233及7333。而家A股可買升又可買跌，不同投資者係唔同市況下，都可部署。