Niki為代言的美容品牌拍攝新一輯廣告。

Niki重遇14年前曾出現在她唱片封套中的貓咪。

Niki為代言的美容品牌拍攝新一輯廣告。

Niki重遇14年前曾出現在她唱片封套中的貓咪。

藝人周勵淇（Niki）最近為代言的美容品牌拍攝新一輯廣告，除了在studio重遇初出道時的攝影師外，還看見14年前曾出現在她唱片封套中的貓咪，Niki勁開心說：「隻貓一歲BB仔嗰陣我就識佢啦，佢依家15歲，我認識咗佢14年啦，真係回憶返晒嚟。唔知佢認唔認得我，不過佢就大隻咗好多。同埋佢好為食，一拎起嘢食佢就會行過嚟。」

拒絕養寵物

雖然一直喜歡小動物，但Niki指自己現時不會考慮養寵物：「最近好多朋友話畀貓同狗我，但我都唔敢收，因為係一個好大嘅責任，好似我一拍劇的話，就要離開香港幾個月，陪唔到佢哋，唔敢冒呢個險。如果我無咁嘅能力，我唔想害咗佢哋。」講到將即的工作安排，Niki指自己5月底會去橫店拍古裝劇，因為當地好熱，所以她已做好心情準備及防中暑措施，希望不會中暑。
另外，擁有令人羨慕好皮膚的Niki，又大談美容心得，就是要內外兼備，要用適合自己的護膚產品及美容療程，並表示會公開同大家分享自己的美容護膚心得：「搵緊一個合適嘅平台去分享，請大家多多留意。」