2020年 01月 29日
星期三
   | 氣 溫 : 14 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

半空跳傘吊威吔打後空翻 Sammi爆粗搣眉 淚灑紅館
發佈日期 : 2019-07-14

換上黑色紗裙獻唱舊歌Medley的Sammi,整
Sammi唱《我們都是這樣長大的》時,甫開口已感
Sammi穿上超高衩牛仔褲露bra裝,十分養眼。
Sammi站在吊於半空的傘形裝置唱《跳傘》。
Sammi吊威哋打後空翻,令觀眾驚呼。
Sammi與薛凱琪合唱《上帝早已預備》。
換上黑色紗裙獻唱舊歌Medley的Sammi,整
Sammi唱《我們都是這樣長大的》時,甫開口已感

歌手鄭秀文(Sammi)前晚的紅館騷精采萬分,其中站在吊於半空的傘形裝置唱《跳傘》,又不慎爆粗講揼實、揼X;其後又吊威吔打後空翻,又因經典眉鬆脫要整條眉搣掉;唱到尾聲的《我們都是這樣長大的》時,Sammi甫開口已經感觸落淚。<採訪>陸曼美<攝影>梁迺枬


 


鄭秀文(Sammi)前晚在紅館舉行「#FOLLOWMi 世界巡迴演唱會」頭場,頻頻換裝令人耳目一新,中段更以超高衩牛仔褲露bra裝,站在吊於半空的傘形裝置唱《跳傘》,唱完叫觀眾大嗌,隨即表示要唱《不要驚動愛情》,她又自嘲:「一驚動真係好大鑊㗎,哈!」唱完後,Sammi說:「大家好,終於嚟到我人生第10個演唱會,好開心有機會開10次演唱會,多謝大家畀機會我。我對上一個演唱會已經係兩年半三年前,嗰個失聲演唱會,頭先諗起好多感人嘅一幕幕,你哋喺台下有邊個幫我唱過歌呀?」接着竟然不慎爆粗:「真係少咗螢光棒喎,大家唔怕畀後面人揼實,揼X。」其後Sammi尷尬儍笑踎在地下說:「唔係呀,我係想講揼實呀!」


chok住表演打鼓


Sammi其後又以貼身黃色圖案造型連續唱出多首歌,唱《煞科》中段時,chok住表演打鼓。唱到《衝過去》時,僅用兩條威吔吊到紅館半空翻了兩個後空翻,又模仿飛翔動作,令觀眾驚呼。唱《Creo en Mi》中段時,Sammi頭上有超大量紅色紙碎飛落,唱《信者得愛》時全場high爆起身。
其後Sammi換上黑色紗裙獻唱舊歌Medley,Sammi講到經典眉,她說是第一次個人演唱會「X空間」的一個造型:「嗰條咩Ki眉啦,今年呢個我會叫佢做復刻版。」可惜因眉毛鬆脫關係,最後工作人員要幫Sammi整條眉搣掉,Sammi笑說:「其實我本身係無眉嘅,過多三年,我都半百啦,所以快歌慢歌間住唱,可以唔使跳咁多舞。喺我膝頭哥傷咗之後,我都有咁嘅表現,自己都幾滿意呀。」全場拍掌歡呼。


邀請薛凱琪合唱


Sammi又談到吊威哋環節排過很多次,唱《傷》的部分,約30位dancer又花費過百萬,整個團體很用心排練。談到信仰,她說:「喺我好大好大困難嘅時候,信仰畀我好大力量,多謝我嘅God,無論困境都畀好大力量我。」接着邀請薛凱琪合唱《上帝早已預備》。
唱到尾聲,Sammi說:「嚟到呢個階段,我人生有好多沉澱、好多歷練、好多領悟,所以今次揀咗首慢歌做主題曲。我哋每個人都有自己嘅開心、有眼淚、有痛,但係唔緊要,因為《我們都是這樣長大的》。」而Sammi甫開口唱,就已經感觸落淚。
encore時Sammi又換上白色運動背心,脫下背心變成紅色運動裝跳唱《螢光粉紅》,11點10分完騷。散場時,老公許志安乘坐七人車直駛回淺水灣寓所。

您可能有興趣:

1
寰亞叱咤奪九獎成大贏家 鄧小巧On仔黃淑蔓 開心爆喊

2
奪新力軍銅獎當鞭策 姜濤與Kay合作壓力超大

3
重視陪伴女兒成長 黃婉曼絕不做虎媽

4
李麗珊與風之后撞名榮幸 譚嘉儀祝鄭俊弘三年抱兩

5
緋聞情侶 奉旨談情 陳家樂貼心照顧陳瀅勁冧

6
馮素波余子明開騷 古天樂買幾百張飛力撐

7
拍性騷擾戲NG 10次 劉錫賢尷尬寧願跳樓

8
孝順仔帶父母返家鄉開騷 任賢齊陪歌迷 一起倒數

9
殘奧金牌得主蘇樺偉熱血登場

10
台慶改名主題「珍惜香港」 林凱恩表演舞蹈志在參與

11
「細龍太」抬起頭做人 陳偉琪:一切都會更好

12
首次拍賀歲片星級待遇 唐貝詩向李璨琛偷師 笑爆肚

13
低調赴會為慈善 竇靖童自彈自唱

14
來港謝票惹哭男觀眾 李淳蔡瑞雪大感驚喜

15
巡唱第二站邀音樂才子做嘉賓 關心妍穿高衩裙 遭老公投訴 


首頁