《姜濤一號種籽音樂會》前晚舉行第二場,姜濤於台上繼續大唱19首作品,組合Error梁業(肥仔)及Mirror成員盧瀚霆(Anson Lo)則擔任表演嘉賓。肥仔於柬埔寨工作回港後,即前來撐好兄弟,與姜濤合唱跳唱Medley《你不在》及《Heartbreaker》。肥仔笑言自己回港後變身「柬埔寨彭于晏」,台下粉絲一叫姜濤除衫,他便代勞自行連脫兩件外衣,令台下爆笑不斷。 放完笑彈後,肥仔在台上感性道:「好耐無喺台上表演,今次姜濤俾咗個機會我,希望大家鍾意。」姜濤聽到後也對肥仔承諾:「日後如果有更大嘅舞台,我一定會預埋你一份。」
上網搵答案
至於Anson Lo繼首場擔任嘉賓後,前晚再與姜濤合唱新歌《B.M.G.》,二人合拍的型格舞步,令台下尖叫聲不絕。Anson Lo又大爆姜濤「趣事」,指Mirror去年演唱會慶功時,姜濤飲半杯酒已見暈,Anson Lo說:「當時姜濤仲有意識,但偷偷匿埋一角玩手機,我起初以為佢同邊個傾偈,點知發現佢睇google『喝醉酒如何解醉』。」 姜濤與完騷後,感謝兩位兄弟兩脇插刀擔任表演嘉賓。至於被Anson Lo爆「趣事」,姜濤回憶道:「其實我飲酒唔叻,又唔識猜枚,當日同大家玩包剪揼輸咗,原本覺得過咗18歲都應該飲番一半都無乜大問題,但點知飲半杯已覺唔對路。」他又表示上網搵答案好正常。 |