【本報記者報道】無綫一年一度盛事《萬千星輝頒獎典禮2021》將於周日（1月2日）晚上8點假電視廣播城隆重舉行。今年頒獎禮加入不少新元素，除了提前選出五強名單、在頒獎禮當日新增由現場傳媒投票選出的「最佳衣著藝人」外，一眾五強候選人早前更齊齊著靚靚為頒獎禮拍攝場刊。
眾「視帝」候選人均十分謙虛及禮讓，馬國明及鄭嘉穎異口同聲點名睇好譚俊彥，對此譚俊彥坦言感恩，並笑說：「我要多謝兩位師兄咁客氣，尤其馬明，佢曾經同我講過好多好鼓勵我嘅說話，多謝你哋，亦都承你哋貴言呀。」
胡鴻鈞看好張振朗及鍾嘉欣
另一同樣獲得很多人支持的還有張振朗，入圍最受歡迎電視男角色、飛躍進步男藝員及最受歡迎電視歌曲的胡鴻鈞，便看好振朗和鍾嘉欣：「視后我睇好鍾嘉欣，我唔想好似佢fans咁，但我真係希望佢有好成績；男主角我就希望係張振朗，佢每套劇每個角色都真係用盡佢嘅能力去演，所以我覺得佢好值得嘉許。」
陳展鵬則搞笑地順勢宣傳將於下年1月10日晚9點半播出的新劇《鐵拳英雄》：「唔知係咪我依家有咗小朋友，咁可以叫我鐵拳爸爸，哈哈，嘩！幾犀利呀。」
在「視后」方面各候選人同樣惺惺相惜，其中姚子羚說：「另外四位我自己都好喜歡同欣賞，佢哋四個都係好努力、好優秀，我覺得邊個攞獎都會好開心。」
林夏薇則笑言要努力準備當晚戰衣：「因為拍緊劇，我未有好多時間試，希望出到嚟係端莊又靚嘅打扮。」
姜麗文叫三飛恨攞奬
在女子組方面，姜麗文今年可謂交出亮麗成績單，先後入圍「最受歡迎電視女角色」、「最佳女配角」以及「飛躍進步女藝員」五強；對於獲取如此佳績，姜麗文坦言嚇親：「好驚喜、好感恩、好享受依家呢刻，因為唔知幾時再會發生呢件事。信心我唔敢講，因為事實上其他候選人我都好尊重同欣賞，但我當然想攞獎啦，但唔代表應該攞架嘛。」
另談到劇集《愛‧回家之開心速遞》入圍多項提名，憑「金城安」一角入圍「最受歡迎電視男角色」的「愛‧回家」成員周嘉洛坦言很興奮：「我好開心同媽媽（滕麗名憑熊尚善一角入圍最受歡迎電視女角色）一齊入圍，仲要都係電視角色獎！」
陸永唔睇好自己攞獎
至於向來擅長搞笑的陸永，對於入圍最受歡迎電視男角色竟未打仗先認輸，十分搞笑：「我梗係冇（贏嘅機會）啦，點會有呀，一嚟對手強，二嚟個人弱，唔需要對手好強，你自己好弱就已經知道冇架喇。」
入圍男配的張頴康，則笑指原本打算問劇組借戰衣了事：「我有問過劇組我有套結婚嘅禮服可唔可以借嚟出席頒獎禮，但我返去同我太太講時，佢叫我唔好咁。」
另一方面，朱敏瀚（朱仔）、黃子恆和何依婷昨天（30日）出席《萬千星輝頒獎典禮2021》「最佳男、女配角」最後5強記者會。朱仔對獎項抱平常心：「其實5位男配角候選者都實至名歸，我想投票給黃子恆和張頴康，他們是專業演員，若果投3票才投自己。」他稱過去1年努力表現自己，盼爭取觀眾共鳴感，而不是為攞獎，「行出街有人叫我個角色名，好過攞幾多個獎，我想爭取多些角色演出」。
黃子恆好開心憑《拳王》突破演出，首次打入最佳男配角5強，賽前心情緊張，每當收到朋友支持聲音，更會心跳加速，雖然對自己有信心，但對手也很強勁，他說：「任何一位拿獎也開心，但我喜歡泰臣，他演機械人有血有肉。」
何依婷在《星空下的仁醫》飾演的游醫生受歡迎，躋身最佳女配角最後5強，她感到驚喜，已經覺得是很好的獎勵：「我對攞獎好佛系，覺得好難贏，睇好陳自瑤和劉佩玥。」
|
您可能有興趣:
|
搜尋新聞
